Тәуелсіздік
Әлкей Марғұлан
Археолог, этнограф, шығыстанушы, академик · 1904–1985
Әлкей Хақанұлы Марғұлан
Әлкей Марғұлан — археолог, этнограф, шығыстанушы, әдебиет зерттеушісі, қазақстандық археология мектебінің негізін қалаушы. Баянауыл өңірінде туып, Семей педагогикалық техникумында, кейін Ленинградтағы Шығыстану институтында білім алды. 1946 жылдан Орталық Қазақстан археологиялық экспедициясын басқарып, қола дәуірінің соңғы кезеңіне жататын Беғазы-Дәндібай мәдениетін ғылыми айналымға енгізді. Сырдария, Шу, Талас бойындағы ортағасырлық қалаларды, қазақтың халық қолөнері мен эпосын зерттеді. Оның жетекшілігімен Шоқан Уәлихановтың бес томдық шығармалар жинағы жарық көрді. 1958 жылы Қазақ КСР Ғылым академиясының академигі болып сайланды.
Жетістіктері
- Беғазы-Дәндібай мәдениетін зерттеп, ғылыми айналымға енгізді
- Шоқан Уәлихановтың бес томдық шығармалар жинағын шығарды
- Қазақтың халық қолданбалы өнері туралы көп томдық еңбектің авторы
- Қазақ КСР Ғылым академиясының академигі (1958)